Yow Khũshruy C̃hez̃hmer G̃hirem-7

content: Cẽ Fazal Amin Beg en\n\nYow khũshruy c̃hez̃hmer g̃hirem, k̃hetki maz̃h ce z̃akhmizor\nJus̃hes̃h yawem dam-e ishq, thaw'mes̃h dem rakhnig̃h har ror\n\nCereng go'm nast dem z̃hũ dhast, ki car'm k̃hũ darder darmon\nVitkem yow ishq-e ghũlom, dar pẽ darem wuz nochor\n\nCar'mes̃h bowar nek hamish, ne'p gok̃ht yow maz̃h t̃or pẽ bezd\nD̃ul kk̃hũ pariyer niyoz, yowi ce z̃hũ wafodor\n\nTiloyi muy et yow ruy, rũs̃han sitorisht buybuy\nGũlobi labes̃h ki kand, wez'nes̃h yan dẽ k̃hũ kanor\n\nC̃hez̃hmes̃h ce c̃hez̃hm-e didig̃hd, ki cherne ska rẽ pũzũv\nRand'nes̃h limaner k̃hũ zik, car'nes̃h yan khuz̃hgig̃h s̃hẽkor\n\nFazal Amin-e jon en pũrũt, yow Porsoyi ishq-e bahor\nK̃hũ gũl-e noz et ado, dũrzdes̃h hamish ska k̃hũ tor\n\nComposed on September 15, 2023 in Gilgit